Werkende Jongmense Kamp

...Ek weet nie of Waterval Kampterrein ooit weer dieselfde sal wees nadat hierdie klomp jongmense daar was nie!

Op ons kamp is lekker gesels, gespeel, geswem en geëet. Tussendeur het ons vriendskap met die Bellville - groep versterk, en ook ons verhouding met God opgeknap. Riaan het die Sport en Ontspanning hanteer op 'n hoogs professionele manier, en Ds. Rocco het vir die Geestelike Leiding gesorg. Ds. Daan het gesorg dat almal se magies vol is, en Liewe Jesus het gesorg vir die mooiste Waterval wat jy in jou lewe nog gesien het! Kyk by fotos hier onder die mooiste preekstoel ooit, toe Ds. Daan Sondagoggend se Erediens daar by die Waterval gehou het.

Volgende jaar is dit weer Belville se beurt om die Jeugkamp te reël.